2009年10月8日星期四

周秀娜廢話連篇科大獻醜

不過我覺得她答得不錯-.-....

-----------

【東方日報專訊】在書展中憑着噴血寫真和誘人攬枕而成功上位的模周秀娜,昨晚在科技大學出席講座,李小良教授與周秀娜對談「解讀周秀娜現象」。整個長達個半小時的講座,兩人毫無交集問非所答,究竟如何「解讀」了周秀娜,大家聽得一頭霧水,簡直是浪費時間,浪費公帑。

未開talk前,已被外界狂插膚淺、荒謬,周秀娜無懼外界抨擊,昨晚照常出席,衣着方面明顯比過往的作風保守。今次「解讀周秀娜現象」在科技大學演講廳舉行,可容納四百人,六時已經滿座,其中七成是男生,大家均期待可從中有所得着,但整個過程,由教授獨自講解開頭,一開波已無厘頭引用《西廂記》中的色情典故套用在周秀娜的case,與攬枕、食雪糕、刷牙比同是性現象、性引喻。再插入兩段不同的廣告,其中是周秀娜的纖體廣告,另一段是模特兒食雪條,教授將他們定為情色消費一種,富挑逗及誘惑情。



對話毫無高見

之後周秀娜出場與教授對談,兩人的談話可謂毫無內容,周秀娜答非所問、不理解教授的問題,引例如解釋唔到,醜態百出,而教授亦不見得有高見,同一個問題可以問三次之多,連你是否快樂也作為問題。

以下是兩人廢問廢答精華:

教授:你覺得呢個年紀嘅人,有乜共同特色?

周:無咗電腦會死,依家好多時喺網上搵資料。

教授:除咗呢樣,生活上呢?

周:大家都好鍾意好爆嘅嘢,差異好大嘅嘢(全場笑),例如巴士阿叔。

教授:有乜差異?

周:er……(答唔出)大家都追求刺激,依家年輕人好鍾意玩自拍,我都係其中一個。

教授:你係咪覺得呢代人,好鍾意激烈情緒同情感上得到愉悅?

周:好深喎。(全場大笑和拍手)

教授:自拍愉悅係咪快樂一種,自拍同反叛有冇關係?

周:個個定義唔同,以前鍾意,依家係工作一部分,啲人用呢種方法放上網,證明自己嘅存在。



後悔冇好讀書

教授:自拍同反叛有冇關係?

周:你指情色成分。

教授:唔係,我指係反叛?

周:反叛有好多嘢否定,例如阿媽唔想我做月入八千元sales,想做醫生,律師,自己唔自覺得做八千蚊sales係反叛,想做自己嘅嘢。

教授:自拍同反叛有冇關係?

周:我覺得自拍好開心。

教授:有冇曾經後悔,例如我曾為讀書無睇一場騷?

周:我好後悔無好好讀書。

教授:對於我無睇騷,你有乜comment?

周:教授我好難comment你。(部分人拍手)

教授:依家年輕人係點?

周:我唔係好理解依家年輕人,因我都唔了解自己,要搞掂自己先。

教授:咁你有無衝動同欲望梳理(意思整理)自己。

周:你可唔可以講多次?係咪逃離?



唔知自己做乜

教授:係好好了解自己。

周:會呀,有時唔知自己做緊乜,係想知自己點解要咁做。

教授:你覺得年輕人追求自己或做緊乜嘢係咪好重要?

周:好深,我諗係重要嘅,唔係追求自己係追求自己嘅目標,係無止境追求更高位置,對我嚟講係一種快樂。

教授:快樂對你嚟講係咩,你快唔快樂?

周:快樂,我好鍾意自己嘅工作,雖然過程有唔開心,有困難,快樂係自己追求,唔可以停留,要知道自己為乜而笑。 文:名人組

2 則留言:

  1. 總是一句來一句去的,有那麼XD嗎- -?

    有些地方是答非所問,不過的確那教授也不見得問得很好- -
    不怎看得出有什麼主題。
    總覺得對話像是被加工過似的-3-"

    很奇怪的感覺......也許是因為只看一部份吧-3-

    回覆刪除
  2. 我也同意那位教授問得不好
    尤其是在電視新聞前看到他的問題...有點O嘴

    回覆刪除